988 Бардыгы /

Душанбе шаардык соту журналист Далер Шарифовду апрелге чейин камакта калтырды.

30-январда Далер Шариповго «Улут, раса жана дин аралык кастыкты козутту» беренеси боюнча кылмыш иши козголгон. Эгер сот аны күнөөлүү деп тапса, ал беш жылга чейинки мөөнөткө соттолушу мүмкүн.

Адвокаттар Абдурахмон Шарифов менен Гүлгүна Шозодаева шейшембиде журналист менен абакта жолугушкан. Ал тергөөчүлөргө дооматы жоктугун, ден соолугу жайында экенин билдирген.

3-февралда Тажикстанда бир катар журналисттик жана коомдук уюмдар, ошондой эле ондогон басылмалардын кызматкерлери камакка алынган журналист Далер Шарифовду колдоп чыгышкан.

Алардын биргелешкен билдирүүсүндө парламенттик жана президенттик шайлоонун алдында журналисттин камакка алынышы — Тажикстандын эл аралык имиджине олуттуу сокку болушу мүмкүндүгү белгиленген.

Тажик Башкы прокуратурасынын маалыматына караганда, Шарифов 2013-2019-жылдар аралыгында диний кастыкты козуткан экстремисттик мүнөздөгү 200дөн ашык макала жарыялаган.

— Мындан тышкары 2019-жылы июнда жашыруун иштеген басмаканада мыйзамсыз 100 нуска трактат чыгарган. Диний экспертизанын корутундусуна ылайык, ал көптөгөн өлкөлөрдө террористтик деп табылган «Мусулман агайындар» кыймылынын контекстинде иштелип чыккан, — деп жазылган прокуратуранын билдирүүсүндө.

Бирок Далер Шарифов менен өлкөдөгү журналисттик уюмдар бул айыптоолорду четке кагышууда. Алардын айтымында, журналист дин темасында сабаттуу болгондуктан, дайыма экстремизм менен терроризмге каршы чыгып келген.

32 жаштагы Далер Шарифов мурда мамлекеттик «Сафина» телеканалында эмгектенген.

www.