2,659 Бардыгы /

Аксы районунда ата-энеден эрте ажыраган балдар 58, андан сырткары 3583 мигранттардын балдары, ошондой эле мүмкүнчүлүгү чектелген балдардын саны 863тү түзөт.

Бул тууралуу райондук мамлекеттик администрациясынын координациялык кенешинин кезектеги жыйынында айтылды.  Райондогу мындай балдарды өзгөчө көзөмөлгө алып, аларды ар тараптуу колдоо жана алар менен иш жүргүзүү милдеттери белгиленди.

Анда балдарды зордук-зомбулуктун ар кандай түрүнөн сактоо, өспүрүмдөр арасында кылмыштуулуктун алдын алуу маселеси каралды. Бул багыттагы иштерди күчөтүү боюнча Аксы райондук прокуратурасынын  улук жардамчысы Улук  Сыргаев  баяндама жасап өткөн жылда бул багытта  көп кемчиликтердин кеткендигин белгиледи. Координациялык кенешме күн тартибиндеги маселелер боюнча чечим кабыл алды.

  Абдымомун КАЛБАЕВ,  Аксы  району.