870 Бардыгы /

ЖАЛАЛ-АБАД. Президентибиздин көрсөтмөсүнө, өкмөттүн чечимине ылайык өкмөттүн резервдик фондунан калктын аярлуу катмарына колдоо көрсөтүү максатында атайын бөлгөн 311 тонна 600 килограмм же 6232 кап мыкты сапаттагы ун келип райондун Ак -Жол, Жаңы-Жол жана Кара-Жыгач аймактарына келип түштү.

Келген жардам тайын түзүлгөн комиссиянын катышуусунда калктын аярлуу, жардамга муктаж катмарына таркатылып жатат. Өкмөттүн акысыз, үйүнө чейин жеткирип берип жаткан жардамына терең ыраазычылыкты барган жерде эл билдирип, ак баталарын берип, жакшы тилек кылып, өкмөттүн талаптарын аткарып жатышкандыктарын билдирүүдө. Аксы районунун акиминин орун басары Дамира Абдылдаева бул ишти ар бир муктаж үй-бүлөлөргө жетишин көзөмөлгө алууда. Буйруса эки үч күндө 6232 үй-бүлө ун менен камсыз болот. Ошону менен бирге эле жалпы элге келген бул жугуштуу ооруну тартип, ынтымак жана биримдик менен жеңебиз дешүүдө аксылыктар. Бардык айыл аймактарында блок постторду коюшуп, жөн жай жүргөн транспортторду токтотуп, эл ошол эле мезгилде дыйканчылык иштерди жүргүзүп жаткан учуру. Бул иш бардык айыл аймактарында жакшы деп айтуудан алыспыз. Айыл өкмөт башчылары бул ишти дагы колго алат деген ойдобуз. Ар бир күн кымбат болуп турган бул учурда айдап сээп калууну ар тургун көңүлгө алуусу тийиш демекчибиз.

Абдымомун КАЛБАЕВ, журналист, Аксы району