1,188 Бардыгы /

Ашхабадда марттын аягында белгилүү шоумен, артист жана алып баруучу кумсалыкка шектелип камакка алынганы белгилүү болду. Бул маалыматты turkmen.news басылмасына бир нече булак ырастады.

Маалыматка караганда, шоумен менен бирге дагы ондогон адам кармалган. Бирок алардын көбү акча берип эркиндикке чыгышкан. Ушу тапта калган шектүүлөрдүн үстүнөн тергөө уланууда, жакынкы күндөрү сот башталат деп күтүлүүдө. Алар «Кумсалык» беренеси боюнча айыпталып, эки жылга эркинен ажыратылышы мүмкүн.

Кармалгандардын арасында түркмөн шоу-бизнесинин жана мода индустриясынын бир нече өкүлү болгону да айтылып жаткан.

2019-жылы октябрда «Азаттыктын» түркмөн кызматына интервью берип, кумса экнин айтып чыккан 24 жаштагы ашхабаддык дарыгер Касымберди Гараев дайынсыз жоголгон. Ал 6-ноябрда табылып, башта айткандарынын баарын төгүндөгөн.

Эл аралык уюмдар бир жыныстуу мамилелерди кылмыш катары эсептегендиги үчүн Түркмөнстандын бийлигин сынга алып келишет.

WWW