1,071 Бардыгы /

ЖАЛАЛ-АБАД. 1-июнь – Балдарды коргоонун эл аралык күнүнө карата Сузак РИИБи тарабынан муктаждарга колдоо көрсөтүү уланууда.

Жалал-Абад ОИИБдин басма сөз кызматы маалымдагандай район аймагында жашаган мүмкүнчүлүгү чектелген балдарга жана аз камсыз болгон ата-энелердин балдары үчүн таттуулар, күнүмдүк керектелүүчү азык-түлүктөр жеткирилди. Милиция кызматкерлери айылдарды аралап, бул үй-бүлөлөрдүн абалынан кабар алышты. Жаш балдарды майрамдары менен куттукташып, аларга бекем ден соолук каалашты.

Бүгүндөн тартып онлайн форматында бүтүрүүчүлөрдүн экзамен тапшыруусу башталгандыктан, милиция кызматкерлери мугалимдер менен биргеликте окуучулар арасында түшүндүрүү иштерин жүргүзүүдө. Тартип сакчылары бүтүрүүчүлөргө майрамдык эс алууларды уюштурбоо керектигин эскертишип, алдыда дагы улануучу экзамендерге ийгиликтерди каалашты.

Белгилей кетсек, Сузак районунун аймагында жайгашкан жалпы билим берүүчү 114 орто мектебинде 11-классты 1796, ал эми 9-классты 4281 окуучу аяктап жатат.

“Аймак”