2,037 Бардыгы /

ЖАЛАЛ-АБАД . Жалал-Абадда менчиктештирилген жана мекеме-уюмдарга берилген бала бакчалардын саны 43 болду. Бул тууралуу өкмөттүн Жалал-Абаддагы өкүлчүлүгүнөн билдиришти.

Маалым болгондой, өкмөттүн 2013-жылдын 30-майындагы «Менчиктештирилген, профилдештирилген жана мамлекеттик мекеме-уюмдарга берилген мектепке чейинки мекемелерди кайтарып өткөрүп берүү жөнүндөгү» буйругунун негизинде бала бакчаларды кайтарып алуу аракеттери жүрүп жатат.

43 мектепке чейинки билим берүү мекемесинин имараттары кайра алынган. Азыркы учурда дагы 24 бала бакчанын имаратын алуу боюнча тийиштүү иштер жүрүүдө.

Облуста жалпы 330 мектепке чейинки билим берүү мекемеси бар. Анда 37 миң 788 бала тарбияланат.

“АЙМАК”