951 Бардыгы /

Кыргыз Республикасынын аймагына мыйзамсыз, чек араны бузуп кирген башка Мамлекеттин жарандары Кыргыз Республикасынын мыйзамдарынын негизинде гана оопко тартылат. Алар Кыргыз Республикасынын мыйзамдарында белгиленген 358-беренеге ылайык, категориясына жараша 220 миң сомдон 300 миң сомго чейин айып пул төлөйт жана 2,5 жылдан 5 жылга чейин эркинен дагы ажыратылат.   

Кыргыз-Тажик чек арасы аркылуу жарандарды өткөрүү 2004-жылдын 26-майындагы Кыргыз Республикасы менен Тажик Республикасынын Өкмөттөр аралык “Кыргыз-тажик чек арасындагы көзөмөл өткөрүү бекеттери жөнүндө” келишиминде таасын жана кеңири каралган. Алар “Кулунду-автожол”, “Кайрагач-автожол” жана “Кызыл-Бел” автожол чек ара өткөрүү бекеттери аркылуу гана жалпы жарандык паспорттору менен жарандарды өткөрөт. Коңшу мамлекеттердин аймагына жогоруда көрсөтүлгөн өткөрүү бекеттери аркылуу гана өтүүгө болот, башка аймактардан өтүү, Мамлекеттик чек араны мыйзамсыз бузуп катары эсептелинет.

Ал эми Тажик Республикасынын аймагына башка мамлекеттин жарандары мыйзамсыз жолдор менен чек араны бузуп өтүшсө,  категориясына жараша 300 миң сомго чейин жазана салынат, же эркинен дагы ажыратылат. Ошондой эле Өзбекстан Республикасынын мыйзамдарынын 223-беренесине ылайык, аталган мамлекеттин чек арасын мыйзамсыз кесип өткөн башка мамлекеттин жарандары үч жылдан беш жылга чейин эркинен ажыратылат жана сот тарабынан мыйзам чегинде айып пул дагы салынат. Баткен облусунан Өзбекстан Республикасынын аймагына “Кадамжай” жана “Кызыл-Кыя” автожол  чек ара өткөрмө бекеттери аркылуу гана өтүүгө болот.  Жарандардын кайсы мамлекеттин аймагында жүргөндүгүнө  карабастан, мыйзамсыз кылган иштери үчүн сөзсүз жоопкерчилик каралган. Ошондуктан, Баткен облусунан, ошондой эле коңшу мамлекеттерге өтүүдө, атайын чек ара өткөрүү бекеттери аркылуу гана өтүүңүздөрдү дагы бир ирет эскертебиз?!?

Белгилей кетчү жагдай; азыркы учурда COVID – 19 таажы илдети пандемиясына байланыштуу Кыргыз Өкмөтүнүн 2020-жылдын 17-мартындагы № 84-буйругунун негизинде чек ара өткөрүү бекеттери аркылуу өтүүгө убактылуу чектөөлөр дагы киргизилген.

WWW