990 Бардыгы /

Өзбекстан президенти Шавкат Мирзиёев Анжиян районунда жаңы шаардын пайдубалын түптөө аземине катышты.

Расмий маалыматка караганда, Жаңы Анжиян долбоору түрк адистери менен биргеликте иштелип чыккан.

Жаңы Анжиян Анжияндан анча алыс эмес жердеги дөңсөөдө курулат. Ал дээрлик 130 миң батирден турган көп кабаттуу үйлөрдөн турат. Шаар 450 миң кишиге эсептелген. Жалпы аянты төрт миң гектер, анын ичинен эки миңин турак жайлар, социалдык объектилер, өндүрүш зоналары, кызмат көрсөтүү объектилери ээлейт.

Шаарды 2021-2041-жылдары 8 айлампа менен куруу пландалууда. Быйыл Реконструкция жана өнүгүү фондунан 100 млн доллар бөлүнөт. Биринчи этапта инфраструктуралык объектилер – жол, электротүйүндөр курулуп, газ кууру тартылат. Мындан тышкары 170 көп кабатуу үй, мектеп, бала бакча жана бейтапкана салуу да пландалууда.

WWW.