1,560 Бардыгы /

БИШКЕК. Министрлер кабинети Баткен облусуна Тажикстандын  аскердик кол салуусу учурунда жапа чеккен жарандарга кенемте төлөп берүү боюнча демилгени иштип чыкты. Эми мунун долбоору коомдук талкууга коюлмакчы.

Белгилей кетчү жагдай: «Турак жайды өрт жана жаратылыш кырсыктарынан милдеттүү түрдө камсыздандыруу» мыйзамында аскердик иш-аракеттердин кесепетинен жабыркаган учурлар таптакыр кирбей калган.

Андыктан, Кыргыз Өкмөтүнүн билдирүүсүнө караганда, Баткенде чек ара чырынан жабыркаган үйлөр сөзсүз камсыздандырылышы кажет! Ошол себептүү аталган мыйзамды өзгөртүү сунуш этилүүдө. Буга ылайык мындан ары аскердик аракеттерден жабыр тарткандарга дагы кенемте төлөнмөкчү.   

          Алишер ТОКСОНБАЕВ, өз кабарчы