1,707 Бардыгы /

ОШ. Кыргызстандын Түштүк  башкалаасынын тургундары жыл сайын кышта катуу үшүгөндүктөн, электр энергиясын жана көгүлтүр отту – газды абдан көп жагышып, ар дайым авариялык кырдаал жаратышчу. А быйыл таптакыр антишпейт.

-Ызгаарга биз толук түрдө даярбыз! – деп сүйүндүрдү Ош шаардык муниципалдык “Жылуулук камсыздоо” ишканасынын жаңы директору Бекмырза ЭРГЕШОВ. – Буюрса, 1-ноябрдан тартып жылытуу мезгили башталат. Буга дейре Ош шаардык Кеңешинин  депутаты элем. Элиме кыйын кезеңде кызмат кылып, жок дегенде үйлөрдү жана мекеме-ишканаларды ысытып турууну чечтим. Анткени, бул тармактын көйгөйүн мен беш колумдай эле билемин. Маселелерди кечеңдетпетен ыкчам жайгарганга кудуретим дагыле жетет.

Белгилей кетээрибиз: Ош шаардык муниципалдык “Жылуулук

камсыздоо” ишканасында жалпы жонунан 86 откана бар. Булардын 19у электр энергиясы, 66сы көмүр, а жалгыз откана газ жана көмүр менен гана иштейт. Булар негизинен 14190 кардарды тейлешет. Ош шаарында 95 мамлекеттик жана моциалдык мекеме, 303 көп кабаттуу турак жай, 230 менчик үй кыш бою жылытылат.

Алишер ТОКСОНБАЕВ, өз кабарчы