1,152 Бардыгы /

Тажикстандын борбору Душанбе шаарындагы аэропорттон АКШда окуп келген ооган учкучтарын жана башка ооган качкындарын ташыган учак учуп кетти.

Мурдараак АКШнын Тажикстандагы элчилиги 191 эвакуацияланган оогандыктар, анын ичинде 143 учкуч Борбор Азия өлкөсүнөн чыгып кетүүгө камданып жатканын билдирген.

Элчиликтин өкүлү “Азаттыкка” билдиргендей, топ АКШга иммиграциялык укуктар берилгенге чейин үчүнчү өлкөгө жөнөтүлөт. Учак Дүйшөмбүдөн 10-ноябрда жергиликтүү убакыт боюнча саат 00:30да учуп кеткен.

Учкучтардын арасында эки аял бар, алардын бири кош бойлуу.

Ооган аба күчтөрүнүн учкучтары августтун орто ченинде Кабулда бийликти талибдер басып алгандан кийин Тажикстанга аскердик учактар менен качып барышкан.

WWW.