3,063 Бардыгы /

БАТКЕН. Ушул жылдын башынан тартып Баткен облустук Бажы кызматы тарабынан аткезчилик жана бажы эрежелерин бузган 76 факты аныкталып, келтирилген зыяндар бүт бойдон мамлекеттин пайдасына өндүрүлдү. Бул жөнүндө Кыргыз Республикасынын Президентинин Баткен облустук  Өкүлчүлүгүндө өткөн кеңешмеде ачыкталды.

Бул өңүттө Кыргыз Республикасынын Президентинин Баткен облусундагы ыйгарым укуктуу  Өкүлү Абдыкарим Алимбаев атайын кеңешме өткөрүп, тийиштүү органдардын аткезчиликке каршы жүргүзүлгөн иш аракеттери боюнча маалыматын кенен-чонон укту.

Баткен облусунун жетекчиси Абдыкарим Алимбаев кеңешмеде аткезчиликке каршы күрөшүү иштерин күчөтүлгөн тартипте алып баруу, алдын алуу боюнча атайын рейддерди жүргүзүү, аткезчилик орун алышы мүмкүн болгон чек аралаш аймактарда көзөмөлдү ого бетер күчөтүү, аткезчилик менен алектенген жарандарды жана аларга көмөктөшкөн жарандарды аныктоо менен, мыйзамдуу иштөө боюнча түшүндүрүү иштерин жүргүзүүнү дагы катуу тапшырды.

Алишер ТОКСОНБАЕВ, өз кабарчы