783 Бардыгы /

ЖАЛАЛ-АБАД. Ала-Бука районунда райондун прокурору Чынгыз Осмоналиевдин демилгеси жана райондун акими Кайырбек Чаргынбаевдин колдоосу менен, Кыргыз Республикасынын Президентинин 2021-жылдын 29-январындагы “Инсандын руханий-адеп-ахлактык өнүгүүсү жана дене тарбиясы жөнүндө” ПЖ №1 жарлыгын аткаруу жана Кыргыз жараны концепциясынын алкагында, окуучулар арасында спорттун волейбол жана кичи футбол түрү боюнча өткөрүлгөн “Акимдин кубогу” жыйынтыкталды.

Ала-Бука райондук мамлекеттик администрациясы  маалымдагандай, спорттук иш-чаранын жыйынтыгында кичи футбол оюну балдар арасында өткөрүлүп, Ала-Бука айыл өкмөтүнүн Т.Балтагулов мектеби, райондун прокурору Ч.Осмоналиевдин командасы жеңишке жетишип, 1-орунду багындырышты.

2-орунду Т.Балтагулов айыл өкмөтүнүн Н.Жайлобаев мектеби, мамлекеттик Кадастр мекемесинин жетекчиси Н.Дуулатовдун командасы ээлесе,

3-орунду Ак-Коргон айыл өкмөтүнүн Октябрь мектеби, райондук эмгек, социалдык камсыздоо жана миграция башкармалыгынын башчысы Ж.Токтогуловдун командасы ээледи.

Кыздар арасында волейбол оюну боюнча: 1-орунду Ак-Коргон айыл өкмөтүнүн А.Атамов мектеби, жетекчиси Ак-Коргон кесиптик лицейдин жетекчиси З.Кулбаеванын командасы, 2-орунду Т.Балтагулов айыл өкмөтүнүн Р.Кулуев мектеби, акимдин орун басары А.Жунусалиеванын командасы, 3-орунду Көк-Серек айыл өкмөтүнүн Токтогул мектеби, ОАА жана МСЭК борборунун директору Б.Мамбетованын командалары багындырышты.

Райондун акими Кайырбек Чаргынбаев жана райондун прокурору Чынгыз Осмоналиев райондук мекеме-уюмдардын жетекчилерине жана окуучуларга ыраазычылыктарын билдиришип, сыйлыктарды тапшырышты. Иш-чара жогорку деңгээлде өткөрүлүп спорт-достукка көпүрө болгондуктан, мектептер аралык спорттук оюндарды дагы да болсо улантууга кызыкдар экендигин, колдоо көрсөткөн тараптарга ыраазычылыгын райондук билим берүү бөлүмүнүн башчысы А.Баймуратов билдирди.