21 Бардыгы /

Быйыл Үч-Коргон ГЭСинин №3 гидроагрегатынын реконструкциялоо иштери ушул жылдын март айында башталат. Бул тууралуу Энергетика министрлигинен билдиришти.

ГЭСтин гидроагрегатын реконструкцияга берилүүсү Кыргызстандагы энергетика тармагындагы маанилүү кадам болуп саналат. Реконструкциялоо “Үч-Коргон” ГЭСинин натыйжалуулугун жакшыртууга, иштеп чыгуучу кубаттуулугун арттырууга жана энергия өндүрүшүн көбөйтүүгө көмөк көрсөтөт. Мындан тышкары эскирген жабдууларды алмаштыруу, жаңы технологияларды колдонуу жана электр энергиясын өндүрүү процессин оптималдаштыруу, ГЭСтин кубаттуулугун көбөйтүп, анын жалпы энергия өндүрүү мүмкүнчүлүгүн жакшыртуу жана иштөө мөөнөтүн узартуу пландаштырылууда.

Эске салсак, Үч-Коргон ГЭСинде кубаттуулугу 45 МВт болгон 4 гидроагрегат жайгашкан. 2024-жылы №4 гидроагрегат реконструкциядан өтүп, кубаттуулугун 9 МВтка жогорулады. Ошондой эле №3 гидроагрегатынын кубаттуулугу дагы оңдоп-түзөө иштеринен кийин 9 МВтка көбөйөт. Азыркы учурда ГЭСтин жалпы кубаттуулугу 189 МВтты түзөт. Эскилиги жеткен гидроагрегаттар 1962-жылы ГЭС курулгандан бери бир да жолу реконструкциялоодон өткөн эмес.

Реконструкция жана жаңылоо долбоорун China National Electric Engineering Кытай компаниясы ишке ашырат.