Аймак

ЖАЛАЛ-АБАДДА “АЛТЫН ТҮЙҮН” УЛУТТУК БАЛДАР АКАДЕМИЯСЫНЫН ФИЛИАЛЫ АЧЫЛДЫ

ЖАЛАЛ-АБАДДА “АЛТЫН ТҮЙҮН” УЛУТТУК БАЛДАР АКАДЕМИЯСЫНЫН ФИЛИАЛЫ АЧЫЛДЫ

 1,263 Бардыгы /

ЖАЛАЛ-АБАД. Бүгүн, 22-июнь күнү Жалал-Абад облусунун Сузак районунда Республикалык “Алтын түйүн” улуттук балдар инженердик-техникалык академиясынын филиалы ачылды.

“Алтын түйүн” улуттук балдар инженердик-техникалыкакадемиясынын филиалы райондогу Ленин айыл аймагында жайгашкан №27 Ю. Гагарин атындагы орто мектебинин имаратына уюштурулган. Аталган жайда облустун бардык аймактарынан жаңы технологияларды өздөштүрүүгө кызыккан жаш ойлоп табуучулар билим алса болот.

Иш-чарага Кыргыз Республикасынын Президентинин Жалал-Абад облусундагы ыйгарым укуктуу өкүлүнүн орун басары Эркинбек Маматаев, улуттук академиянын директору Жаркын Бапанова, жергиликтүү бийлик, мектеп жамааты жана окуучулар катышты.

Мекемеде балдар робототехника, информатика жана техникалык ийримдерди үйрөнө алышат. Филиалдагы жабдыктарга жалпы 3 млн сомдон ашуун каражат жумшалган.

Белгилей кетсек, өткөн жылы мамлекет башчы Садыр Жапаров Республикалык “Алтын түйүн” улуттук балдар инженердик-техникалык академиясына барган. Анда мекеменин мүмкүнчүлүктөрүн кеңейтүү менен филиалдарын өлкөнүн бардык аймактарында уюштуруу тапшырмасын берген.

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17