1,407 Бардыгы /

          БАТКЕН. Баткен облусуна караштуу Кадамжай районунун Кайтпас айылында  Жоомарт Бөкөнбаев атындагы орто мектеп окуучуларга эшигин ачты. Билим уясы 275 орундуу.

          Президенттин Баткен облусундагы Өкүлчүлүгүнүн басма сөз кызматынын маалыматына караганда, жаңы мектеп заман талабын ылайык курулган. Буга дейре аталган айылдын 600дөн ашуун окуучусу ашар жолу менен курулган эски мектептер билим алып келишкен. Мектептин ачылышына министрлер кабинетинин төрагасынын орун басары Эдил Байсалов жана президенттин Баткен облусундагы ыйгарым укуктуу Өкүлү Абдыкарим Алимбаев катышышты.

        Баса, жетекчилер окуучуларды бүгүнкү Билим күнү менен чын ыкластан куттукташып, мамлекет тарабынан билим берүү тармагында жасалып жаткан иш аракеттердин баары балдардын жаркын келечегине багытталганын белгилеп, окууларына ийгилик гана тилешти.

Алишер ТОКСОНБАЕВ, өз кабарчы