18 Бардыгы /

Мамлекет Ош шаарындагы балдар онкологиясы госпиталдык мектебинин мугалимдерине туруктуу маяна төлөй баштады. Бул туурасында Билим берүү жана илим министрлигинен билдиришти.

Баса, апталган госпиталдык мектеп – узак дарыланууга муктаж болгон балдардын үзгүлтүксүз билим алуусун камсыздоо максатында оорукананын астында ачылган адистештирилген кабинет. Эскерте кетээрибиз: соңку төрт жыл бою «Жардам берүү оңой» фонду өз каражаттарынын эсебинен Оштогу мектептин мугалимдерине маяна төлөп келген. 2024-жылдын декабрында Бишкек шаарында өткөрүлгөн госпиталдык мектептердин макамы боюнча форумда Оштогу госпиталдык мектептин мугалимдерине маяна төлөө маселеси көтөрүлгөн. Көп өтпөй маселе оң жагына чечилип, мамлекет мугалимдерге эмгек акы төлөй баштады.

Кыргызстандагы госпиталдык мектеп 2018-жылы «Жардам берүү оңой» фондунун демилгеси жана аракети аркасында ачылган. Азыр госпиталдык мектептер Бишкек жанга Ош шаарларындагы балдар онкологиясы бөлүмдөрүндө кадимкидей иштеп жатат.

Алишер ТОКСОНБАЕВ, өз кабарчы