2,750 Бардыгы /

Жалал-Абад облусунда “Алтын тамга” артыкчылык аттестатына 22 окуучу ээ болгон. ал эми талапкерлердин санын 249 окуучу түзгөн.

Жалал-Абад облустук билим берүү усулдук борборунун жетекчиси Акылбек Токтосуновдун айтымында окуучулар бул сынакты планшеттер аркылуу тапшыргандыктан жыйынтыгы да тез чыккан.

“14-июнь күнү калаадагы №13 Роза Азимова атындагы мектепте “Алтын тамга” артыкчылык аттестатына талапкер бүтүрүүчүлөрдүн сынагы болду. Ага облус боюнча 249 окуучу катышты. Бул жылы тестти окуучулар планшет менен тапшыргандыктан, ар бир окуучу 3 саат аралыгында берилген суроолорго жооп беришти. Жыйынтыгы 3 саатка жетпей чыгып, 22 окуучу “Алтын тамга” артыкчылык аттестатына ээ болгону такталды. Өткөн жылы 19 окуучу аталган аттестаттарга ээ болушкан”,-дейт ал.

 “Алтын тамга” артыкчылык аттестаттарына ээ болгон аймактагы окуучулардын саны

1.         Жалал-Абад шаарындагы муниципиалдык мектептерден 7 окуучу

2.         Кыргыз-түрк Сапат балдар жатак лицейинен 5 окуучу

3.         Кыргыз-түрк Сапат кыздар жатак лицейинен 5 окуучу

4.         Чаткал районунан 2 окуучу

5.         Токтогул районунан 1 окуучу

6.         Аксы районунан 1 окуучу

7.         Сузак районунан 1 окуучу

Эске салсак, облус боюнча жалпы 474 мектеп бар, анын ичинен 10у жеке менчик билим уялары. Быйылкы 2019-2020-окуу жылында 11-классты 9546 окуучу бүтүрүүдө.