1,479 Бардыгы /

ЖАЛА-АБАД. Жалал-Абад шаарындагы Эл аралык университетинде аталган жылдын 20-21-22-апрель күндөрү мектептердин  бүтүрүү класстарынын окуучулары үчүн ачык эшиктер күндөрү өткөрүлдү.

ЭАУнун Кесиптик багыт берүү жана коомчулук менен байланыштар кызматы билдиргендей  К.Ш. Токтомаматов атындагы Эл аралык университетте (Жалал-Абад ш., ЭАУ) мектептердин 9-11-класстарынын бүтүрүүчүлөрү үчүн кесиптик багыт берүү иштеринин алкагында Ачык эшиктер күндөрү өткөрүлдү. Айтылган иш-чаранын жүрүшүндө университетке Жалал-Абад шаарынын, Сузак, Базар-Коргон, Ноокен жана Өзгөн райондорунун орто мектептеринин бүтүрүүчү класстарынын окуучулары, алардын класс жетекчилери келип кетишти. Мектептерден келген меймандарга университеттин жана анын гуманитардык-экономикалык, эл аралык кыргыз-түрк, эл аралык медициналык колледждеринин бардык окуу имараттары, аудиториялары жана кабинеттери, борбордук китепканасы, материалдык-техникалык базасы, жатаканасы, студенттик шаарчасы, анын ичинде спорттук комплекси көрсөтүлүп, окуу маселелери боюнча бир катар маалыматтар, түшүндүрмөлөр берилди.

ЭАУнун Ачык эшиктер күнү жылдагыдай мыкты деңгээлде өттү.