30 Бардыгы /

Тилек Текебаев облус аймагындагы социалдык-экономикалык көрсөткүчтөрдүн жыйынтыгы менен жетекчилердин ишине баа берилээрин айтты.

Бүгүн Жалал-Абад облусунун 2024-жылдын 9 ай ичинде аткарылган социалдык-экономикалык көрсөткүчтөрүнүн аткарылышы боюнча облусттук коллегия өттү.

Жыйынды Кыргыз Республикасынын Президентинин Жалал-Абад облусундагы ыйгарым укуктуу өкүлү Тилек Текебаев жетектеп, облустук мекеме-уюмдардын жетекчилери, район, шаар башчылары, айыл өкмөт, салык кызматынын жетекчилери, билим берүү, саламаттыкты сактоо тармагынын, социалдык өнүктүрүү башкармалыктарынын, электр тармактар ишканаларынын башчылары катышты.

Облус башчысы Тилек Текебаев Ноокен районундагы Масы-Сай участкасындагы дарыя жээгин бекемдөө, селден жабыркаган жарандарга жардам көрсөтүү иштеринин жүрүшү, Чаткал районунун жергиликтүү бюджетинин аткарылышы төмөндүгү, Тогуз-Торо районундагы ымыркайлардын өлүмүнүн алдын алуу аракеттери, Сузак району жана Жалал-Абад шаарындагы мугалимдердин жетишсиздик көйгөйүн чечүү алкагындагы жумуштар тууралуу маалымат алды.

Мындан сырткары, өкүл турак жайларды камсыздандыруу ишинин жүрүшү, ар бир өнбѳй калган салык карыздары бар район, шаар башчылары жана салык кызматынын жетекчилеринен себептерин сурады.

Коллегияда ушул жылдын 9 айынын жыйынтыгы менен Жалал-Абад облусунун социалдык-экономикалык өнүгүүсүнүн абалы тууралуу маалымат айтылды. Ага катар буга чейин Базар-Коргон, Сузак, Аксы жана Токтогул райондук мамлекеттик администрацияларында жүргүзүлгөн текшерүүнүн жыйынтыгы, социалдык келишим долбоорунун аткарылышы жана Президенттин №305 Жарлыгына ылайык, аталган аймактардагы тазалыктын абалы тууралуу, күз-кыш мезгилине карата даярдыктардын абалы каралды.

Тилек Текебаев, жыйында белгиленген маселелерди жыл жыйынтыгы менен жөнгө салуу тапшырмасын берди. Аймактарда, жол жээктериндеги тазалыктын сакталышына өзгөчө көңүл бурулаарын айтты. Облус башчысы район, шаарлардын социалдык-экономикалык өсүү темпи жетекчилердин жоопкерчиликтүү ишинин жыйынтыгы экенин эскертти.

Коллегиянын соңунда жүргүзүлгөн текшерүүлөрдүн жыйынтыгы менен бир катар район, шаарлардын башчыларына эскертүү, сөгүш, катуу сөгүш жазалары берилди.

Бүгүнкү жыйын алкагында, жумуштагы көрсөткөн натыйжалары үчүн бир катар жетекчилерге Ардак грамота, ыраазычылык кат жана дипломдор тапшырылды.