726 Бардыгы /

БАТКЕН. Баткен облусунун аймагында ушул тапта кырдаал турукташкандыгына байланыштуу 112 миң 899 жаран туруктуу жайгашкан жерлерине кайта башташты. Бул жөнүндө Өзгөчө кырдаалдар министрлигинен билдиришти.

Башкалаабыз Бишкек шаарына эвакуацияланган жарандарды дагы өз үйлөрүнө жеткирүү максатында “Кааба уулу Кожомкул” атындагы спорт ордосунда атайын бекет ачылды. Ушул тапта Бишкек шаардык мэриясы жана Өзгөчө кырдаалдар министрлигинин Бишкек шаардык башкармалыгы тарабынан атайын унаалар даярдалып, жарандарды өз үйлөрүнө жеткирүү жараяны кызуу уюштурулууда.

Баса, Тажикстандын Баткенге капысынан кол салуусу маалында  Баткен облусунан жалпы жонунан 136 миң 770 жаран коопсуз аймактарга аргасыздан эвакуацияланган.

     Алишер ТОКСОНБАЕВ, өз кабарчы