1,371 Бардыгы /

          Батырали Сыдыков атындагы Кыргыз-Өзбек Эл аралык университетинин Кесиптик лицейи аталган ЖОЖдун курамынан биротоло чыгарылып, республикабыздын билим берүү жана илим министрлигигнин түздөн-түз карамагына гана өткөрүлдү. Мунун чоо-жайын эгемендүүлүк энчиленген окуу жайдын жаңы директору Адылбек МАМЫШОВдон сураштырдык.

–Адылбек агай, мынчалык чукул өзгөрүүнү жасоого Сиздерди эмне мажбурлады экен?

-Байкагандырсыз. Агартуу тармагында министрибиз Каныбек Иманалиев тарабынан реформа дээрлик башталды. Ошол себептүү бизди дагы  моминтип автономиялуу окуу жйына айландырып олтурушат.

–Буга дейре лицей кайсыл кесиптин ээлерин белендечү эле?Сиздердин макамыңыздарга жараша мындан ары багытыңыздар дагы өзгөрбөйбү?

-Жо-жок! Башынан эле төрт багыттагы адистерди даярдап келатабыз. 9-класстын базасында тикмечи (швея) белендейбиз. А аны бүтүшкөндөр диплом менен кошо жетилүү атетесатын дагы алышат. Ал эми 11-класстын базасында тигүүчү (портной) даярдалат. Буларга диплом гана энчиленет. Ал эми 11-класс даражасында чачтарачтарды жана электр жабдулаарын оңдоочу усталарды, ошондой эле ширетүүчүлөрдү дагы окутабыз.

–Контракт акысы кымбат эмеспи?

-Албетте, биздин бааларды Антимонополия агенттиги такай көзөмөлдөп турат. Андыктан, ашыкча нарк коюуга кымындай акыбыз жок! Тигүүчү жана тикмечи кесиптерин тандагандар жыл сайын 6500 сом төлөшөт. А чачтарачты тандагандар жылына 9000 сом казынага контракт сыңары төлөп турушат.

–Ошентсе дагы, бүтүрүүчүлөрдү туруктуу жумуш менен камсыз кылуу жагы кантти экен?

-Албетте, рынок талабына ылайык гана кесип ээлерин даярдаганга биз дагы бекем ыктадык. Жумуш берүүчүлөр менен түптүз байланыштабыз. Буга улай ата-энелер жана окуучуларыбыз дагы өздөрү ыкчам жумуш табууга бизге үзгүлтүксүз көмөктөшүп гана келатышат.

–Адылбек агай, Сиз адис сыңары айтыңызчы? Дегеле

Кыргызстанда кесиптик билим берүүнүн – лицейлердин келечеги барбы? Анткени, өлкөбүздүн эконоомикасы бара-бара өйдөлөп, а түгүл заманбап завод-фабрикалар дагы улум көбөйүп баратпайбы?

-Эсиңиздеби? Тээтигил СССР заманында калкыбыздын талабына ылайык бизде рембыттехника, сантехника, анан дагы машина оңдоо тармагы абдан эле өнүкккөн. Азыр бул өңүт дагыле кайрадан жанданып, өнүгүү нугунда баратпайбы. Демек, биз дагы кейиптик лицейлерди дал ушул нукка гана токтоосуз буруубуз кажет! Антпесек, ирденбейбиз жана албан ийгиликтерден деле  таптакыр кол жууйбуз?!?

          Кепке тарткан: Алишер ТОКСОНБАЕВ, өз кабарчы