21 Бардыгы /

Ош шаарында автоээнбаштык кылган 5 үлпөт той кортежине 75 миң сом айып салынды. Бул туурасында Ички иштер министрлигинин Жол кыймылынын коопсуздугун камсыздоо башкы башкармалыгынын маалымат кызматынын жетекчиси Байказы Айтикул уулу шардана кылды.

Байказы Айтикул уулунун айтымында, социалдык тармактарда Ош шаарында чоң жолду тегиз жаап, терезелеринен тулку боюн чыгарып, башка унааларга жол бербстенй, тоскоолдук жаратуу менен бара жаткан 5 үлпөт той кортеждеринин видео тасмасы тараган.

– Аталган фактынын негизинде Ош шаарынын кайгуул кызматкерлери ыкчам кармоо иш-чараларын жүргүзүп, 5 авто унааны кармап, айып короо жайына токтотушуп, ар бир айдоочуга 15 миң сомдон жалпы 75 миң сомго айып салышты, – деп кошумчалады Жол кыймылынын коопсуздугун камсыздоо башкы башкармалыгынын маалымат кызматынын жетекчиси Байказы Айтикул уулу.

Ички иштер министрлигинин өкүлү Байказы Айтикул уулунун айтымында, эми аталган айдоочулар кайталап, автоээнбаштык жасай турган болушса, мыйзамга ылайык 6 айлык мөөнөткө унаа башкаруу укугунан ажыратылат.

Алишер ТОКСОНБАЕВ, өз кабарчы