15 Бардыгы /

Баткен облусуна караштуу Сүлүктү шаарындагы мурдагы мамлекеттик оорукананын имараты ыктыярдуу түрдө мамлекетке акыры кайтарылды. Бул туурасында Улуттук коопсуздук мамлекеттик комитетинен билдиришти.

Ошентип, Атайын кызмат тарабынан Сүлүктү шаарындагы мурдагы мамлекеттик оорукананын имараты жанаша жайланышкан жалпы 0,88 гектар аянты менен мамлекетке кайтарылды. 2010-жылдын декабрында ачык аукцион аркылуу аталган оорукананын имараты Кыргыз Республкасынын Жер кодексинин 78-беренесинин 2-пунктун одоно бузуу менен көмүр казуучу компанияларга жеке менчикке сатылып кеткен. Кийинчерээк Сүлүктү шаарындагы мурдагы оорукананын имараты максатсыз гана пайдаланылып, акырында бузулуп, анан таптакыр иштебей калган.

Ошентип, Сүлүктү шаарындагы Студенческая көчөсүндө  жайланышкан 0,88 гектар жер тилкеси толук бойдон мамлекеттик оорукананын имараты көмүр казуучу ишканалар менен түзүлгөн келишимге ылайык, Сүлүктү шаардык мэриясынын балансына ыктыярдуу түрдө кайрадан каттоодон өткөрүлдү.

Алишер ТОКСОНБАЕВ, өз кабарчы