18 Бардыгы /

Швейцариянын Женева шаарында Кыргызстандагы  дискриминацияны жоюу маселеси ачык-айкын каралды. Анын жүрүшүндө Кыргыз Республикасынын Жогорку Сотунун төрагасынын орун басары Нургүл Бакирова Кыргызстанда 2019-2022-жылдарда дискриминациянын баардык түрлөрүнүн жоюлушунун аткарылышы боюнча кеңири маалымат жасады.

Кыргыз Республикасынын Жогорку Сотунун басма сөз кызматынын маалыматына караганда, бул кызыкчылыкты коргоо талабы интерактивдүү форматта жүрүгүзүлдү. Кыргыз Республикасынын Жогорку Сотунун төрагасынын орун басары Нургүл Бакирова БУУнун дискриминация боюнча комитетинин мүчөлөрүнүн баардык соболдоруна буйдалбастан ачык жооп кайтарды.

– Анткени, Кыргызстан 1996-жылы БУУнун дискриминация боюнча Конвенциясына кошулган. Ошондуктан. Анын жоболорун Улуттук деңгээлде колдонуп гана келатат. Өлкөбүздө түрү, этникалык курамы жана улуту боюнча адамдарды басмырлоого (дискриминациялоого)  катуу тыюу салынган. Ошондой эле антидискриминациялык нормалар биздин баш мыйзамыбызда дагы ачык бекитилген. Ал эми башка процессуалдык мыйзамдар жана мыйзам актылары Конституциябыз тарабынан бекем кепилденген, – деди Кыргыз Республикасынын Жогорку Сотунун төрагасынын орун басары Нургүл Бакирова.

Ушуга улай Кыргыз Республикасынын Жогорку Сотунун төрагасынын орун басары Нургүл Бакирова кошумчалагандай, Кыргызстандын соттору ар бир жаранынын чыгыш тегине карабастан натыйжалуу корголуусун толук кандуу камсыз кылат. Ошондуктан, сот жараяндарында судьялар ички жана тышкы Эл аралын нормаларды, анын ичинде БУУнун дискриминация боюнча Конвенциясын дагы үзгүлтүксүз жетекчиликке алышат. Ушул өңүттө Швейцариянын Женева шаарындагы форумда этникалык жана диний жоруктарга байланышкан  Кыргызстандагы  кылмыш иштеринин 2019-2024-жылдардагы статистикасы дагы жар салынды.Мындан ташкары ушул максатта 2029-жылдан тартып өлкөбүздө 400 судья өз ара окутулгандыгы дагы маалымдалды.

Соңунда Жогорку Соттун төрагасынын орун басары Нургүл Бакирова бийик трибунадан пайдаланып, Кыргызстандагы соттор системасында ар түрдүү улуттардын өкүлдөрү иштешип жаткандыгын баса белгилеп, судьялар курамында гендердик баланс дагы (470 судьянын 38 пайызы – аялдар) сакталгандагын кошумчалады. Дал ушунун өзү тең укуктуулуктун такай сакталышына, адилеттүүлүктүн бекем орношуна жана гармондуу өнүгүүгө өбөлгө жаратып жаткан чагы. Кыргызстан мындан ары дагы БУУ жана эл аралык бир катар уюмдар менен дискриминациянын баардык түрлөрүнүн жоюлушу жана адам укуктарынын такай сактаплышы үчүн ийиндеше иштешүүгө абдан кызыкдар!

Алишер ТОКСОНБАЕВ, өз кабарчы