6 Бардыгы /

Бүгүн, 22-декабрда Кыргыз Республикасынын Президентинин Жалал-Абад облусундагы ыйгарым укуктуу өкүлү Тилек Текебаев Сузак районунун тургундары менен жолугушту.

Иш-чарага бардык облустук мекеме-ишканалардын жетекчилери жана жергиликтүү бийлик өкүлдөрү катышты. Жолугушуунун жүрүшүндө тургундар аймактагы социалдык маселелерди, инфраструктураны жакшыртууну, сугат жана таза суу менен камсыздоо, билим берүү жана коммуналдык кызматтардын сапатын жогорулатуу маселелерин көтөрүштү. Андан тышкары, Күмүш-Азиз айылындагы 275 орундуу мектептин курулушун 2026-жылдын планына киргизүү, Жаңы-Жер айылындагы бала бакчанын курулушун аягына чыгаруу, Кара-Дарыя айылындагы дарыя жээгин бекемдөө, ошондой эле жарандардын жеке укуктук маселелери боюнча суроолор көтөрүлдү.

Тилек Текебаев ар бир суроо жана сунуш боюнча тиешелүү мекемелерге тапшырма берип, маселелерди жеринде чечүү жана көзөмөлдөө зарыл экенин белгиледи. Ал айтылган көйгөйлөрдүн баары жеке көзөмөлүндө болорун жана тиешелүү мамлекеттик органдардын аныкталган мөөнөттө аткарылышын камсыз кылууну тапшырды.