3 Бардыгы /

Эгемова Миргуль Абдыкеримовна Манас шаарынын мэринин курулуш тармагы боюнча орун басары болуп дайындалды. Тиешелүү буйрукка мэр Абдупата Маткаликов кол коюп, бүгүн эмгек жамаатына тааныштырды.

Эгемова Миргуль Абдыкеримовна -1986-жылдын 13-декабрында Аксы районунун Үч-Коргон айылында төрөлгөн.

Билими жогорку. Жалал-Абад мамлекеттик университетинин информатика жана эсептөө техникасы адистиги, ошондой эле 2014-жылы Кыргыз Республикасынын Президентинин алдындагы Башкаруу академиясын аяктаган. Адистиги — мамлекеттик жана муниципалдык башкаруу.

Эмгек жолу алгач Жалал-Абад шаарынын мэриясынын алдындагы Жашылдандыруу чарбасында жумушчу, Жалал-Абад шаардык мэриясынын Курулуш, транспорт жана коммуникация секторунда жетектөөчү адис, сектор башчынын милдетин аткаруучу, секторунун башчысы, секторунда башкы адис жана азыркы учурга чейин Жалал-Абад шаарынын мэриясынын аппарат жетекчиси кызматтарын аркалап келген.

Ал эми Манас шаарынын мэриясынын аппарат жетекчиси болуп Караев Нурбек Адилбекович дайындалды. Тиешелүү буйрукка мэр Абдупата Маткаликов кол коюп, бүгүн мэриянын эмгек жамаатына тааныштырды.

Караев Нурбек Адилбекович – 1982-жылдын 24-февралында Сузак районунун Кара-Дарыя айыл аймагында туулган. Билими жогорку. Кыргыз Республикасынын Ички иштер министрлигинин Академиясын бүтүргөн. Адистиги — юриспруденция.

Эмгек жолу: Кыргыз Республикасынын Ички иштер министрлигинин Э.А. Алиев атындагы Академиясында мугалим, «Золотой орех» ЖЧКсында аткаруучу директор, «Адил Ата» айыл чарба кооперативинин жетекчиси,

Кара-Дарыя айылдык кеңешинин депутаты, айылдык кеңешинин төрагасы,

Кара-Дарыя айыл аймагынын башчысы, Кыз-Көл айыл аймагынын башчысы кызматтарын аркалаган.