3 Бардыгы /

“Сары-Челек” мамлекеттик биосфералык коругунда жаңы өткөрмө пунктунун курулушуна капсула салынды. Бул тууралуу Жаратылыш ресурстары, экология жана техникалык көзөмөл министрлиги билдирди.

Жаңы өткөрмө пункт коруктун инфраструктурасын жакшыртууга, аймакка кирүүнү көзөмөлдөөнү күчөтүүгө жана келгендер үчүн ыңгайлуу шарттарды түзүүгө багытталган.

Иш-чарага катышкан министрдин биринчи орун басары Жеңиш Сейдалиев коруктун ишмердүүлүгү жана инфраструктурасынын абалы менен таанышып, “Сары-Челек” коругун мындан ары өнүктүрүү боюнча алдыдагы пландарды талкуулады.

Белгилей кетсек, “Сары-Челек” мамлекеттик биосфералык коругу — Батыш Теңир-Тоонун уникалдуу экосистемаларын сактоодо маанилүү роль ойногон өзгөчө корголуучу жаратылыш аймагы. Коруктун аймагы Сары-Челек көлү, тоолуу токойлору жана бай өсүмдүктөрү жана жаныбарлар дүйнөсү менен айырмаланат.