3 Бардыгы /

Ноокен райондук мамлекеттик администрациясы маалымдагандай, Кочкор-Ата шаарынын мэриясы Казакстан Республикасында өткөн укук бузуулардын алдын алуу боюнча улуттук жана чет өлкөлүк долбоорлордун «Kazakhstan Prevention Days» эл аралык көргөзмөсүнө катышып, «Мыкты долбоор» номинациясына татыды.

Аталган иш-чара Казакстан Республикасынын Ички иштер министрлиги, Ички иштер министрлигинин Башкаруу академиясы жана Германиянын Эл аралык кызматташтык боюнча коому (GIZ) тарабынан «Борбордук Азияда зомбулуктуу экстремизмдин алдын алуу» долбоорунун алкагында уюштурулган.

Эл аралык көргөзмөнүн жүрүшүндө Кочкор-Ата шаарынын мэриясы тарабынан сунушталган долбоор жогору бааланып, жеңүүчүлөрдүн катарына кошулду. Бул жетишкендик шаарда укук бузуулардын алдын алуу, жаштар менен натыйжалуу иш алып баруу жана коомдук коопсуздукту камсыз кылуу багытында жүргүзүлүп жаткан иштердин маанилүүлүгүн айгинелейт.