1,867 Бардыгы /

         ОШ. Кыргыз Республикасынын Президенти Сооронбай Жээнбеков Ош шаарында өткөрүлгөн «Санарип Кыргызстан: Аймактарды өнүктүрүү» телекоммуникациялык форумуна катышты. Мындай кеңири форматтагы иш-чара Кыргызстанда биринчи ирет белгиленди.

Адегенде Президент Сооронбай Жээнбеков форумга карата даярдалган Кыргызстандагы уюлдук байланыш операторлору уюштурган мобилдүү кызмат көрсөтүүлөр туурасындагы көргөзмө  менен таанышты. Андан соң Форумдун ачылышында Мамлекет башчысы санариптештирүү анын Президенттик жумушунун эң артыкчылыктуу багыты болоорун дагы бир ирет баса жар салды.

Форумдун катышуучулары Дүйнөлүк Банктын Кырнызстандагы туруктуу өкүлү Болормаа Амгаабазар, Президенттин кеңешчиси Дастан Догоев баяндама жасашты. 
Мындан тышкары Байланыш операторлор Биримдигинин аткаруучу директору Айбек Куреңкеев, «Альфа Телеком» ЖАКнын башкы директору Акылбек Жамангулов, «Нур Телеком» ЖЧКсынын директору Алла Опариенко, «Скай Мобайл» ЖЧК Башкы директору Акмаль Малаев, «Элкат» ЖЧКсынын генералдык ди ректору Улан Толубаев, «Кыргыз Телеком» ААКнын Башкармалыгынын вице-президенти, техникалык директор Нурбек Чылпанов жана «Түндүк» электрондук ведомстволор аралык өз ара аракеттенүү системасынын директору Нурия Кутнаева Кыргызстандагы санариптештирүү тармагындагы жагдайлар тууралуу кең-кесири баяндама жасашты.

Кыргызстандын IT тармагынын өкүлдөрү өлкөнү санариптештирүү жараянында Мамлекет жетекчисинин түздөн-түз колдоосу жана саясий эрки чоң мааниге ээ экендигин баса белгилешип, «Биздин өз ара пикир алышуубуз жана бүгүнкү иш-чарага Президенттин өзү катышып жаткандыгы саясий эрктин бар экендигинин нукура далили», — деп, Мамлекет башчысынын санариптештирүү саясатын кубатташаарын айтышты жана ушундай Форумду жыл сайын өткөрүүнү сунуш этишти.

Алишер ТОКСОНБАЕВ, өз кабарчы