1,190 Бардыгы /

ОШ.Ош шаарындагы «Дельфин» бассейнинде чөмүлүү маалы башталды. Бул иш-чарага калаа жетекчилиги катышып, эс алуучуларга ак жол тилешти.

            Адегенде Ош шаарындагы №1-музымкалык мектептин окуучулары майрамдык концертин тартуулашты. Ошондой эле жомоктордон үзүндүлөр дагы көрсөтүлдү. Анткени, бул салтанатка  Ош шаарынын жана Ош облусунун бардык балдар үйлөрүнүн жана интернаттарынын бөбөктөрү чакырылган эле. Андан соң «Дельфин» бассейниндеги чөмүлүү салтына Ош шаарынын мэри Таалайбек Сарыбашов, Ош шаардык Кеңешинин төарагасы Жапарбек Ормонов катышышып, бөбөктөргө жылуу калоо-тилектерин ыроолошту. Андан соң бөбөктөргө бекер оюнчуктар, шириндиктер жана балмуздактар дагы таратылды.

            Чөмүлүү иш-чарасына жалпысынан 600 чакты балдар катышышты. Бул иш-чара Ош шаардык жаштар комитети тарабынан уюштурулду.

                        Алишер ТОКСОНБАЕВ, өз кабарчыбыз