1,340 Бардыгы /

СЕУЛ. Кыргызстандын Кореядагы Элчиси Динара Кемелова Корея Республикасынын Улуттук Ассамблеясынын депутаты, Кыргызстан менен кызматташуу тобунун жетекчиси Ли Джон Бэ менен жолугушту.

Кыргыз Элчиси Динара Кемелова жакында Корей жарым аралындагы күзөттүк аймакта болуп өткөн АКШнын, Түштүк Кореянын Президенттеринин жана Түндүк Кореянын башчысынын жолугушуулары менен Корей тарапты куттуктады. Тандалып алынган сүйлөшүү жолу Корей жарым аралында тынчтыктын жана туруктуулуктун орношуна, ошондой эле аймактын өнүгүшүнө алып келет деген ишенимин билдирди. Андан ары Кыргыз Республикасы менен Корея Республикасынын ортосундагы парламенттер аралык кызматташтыктын жогорулашына Кыргыз тараптын кызыкдар экендигин кошумчалады.  

Ал эми Ли Джонг Бэ мырза Кыргыз элинин демократиялык өнүгүүнө болгон умтулуусун жогору баалады жана келечекте Кыргызстан парламенттик башкаруу жолу аркылуу жакшы жыйынтыктарга жетишет деген үмүтүн дагы ачыктады. Түштүк Кореянын депутаты Кыргызстандагы этникалык корей улутунун өкүлдөрүнүн абалын белгилеп алар Кыргыз Республикасындагы башка улуттардын өкүлдөрү менен достукта жана биримдикте жашап жаткандыгын билдирди.  

Соңунда Кыргыз Элчиси Д. Кемелова Кыргызстан менен Корея Республикасынын соода-экономикалык байланыштарындагы тоскоолдуктарды төмөндөтүүгө мыйзамдык жактан жардам берүүсүн өткүндү. Тараптар эки өлкөнүн борбор шаарларын байланыштыра турган түз аба каттамын ачуу мүмкүнчүлүктөрүн дагы талкуулашты жана келечекте дагы жолугушуулар болоорун макулдашышты.

Алишер ТОКСОНБАЕВ, өз кабарчы