2,010 Бардыгы /

ЖАЛАЛ-АБАД. Бүгүн, 14-мартта Кыргыз Республикасынын Президентинин Жалал-Абад облусундагы ыйгарым укуктуу өкүлү Абсаттар Сыргабаев Казакстан Республикасынын Кыргызстандын түштүк аймагындагы консулу Мухтар Карибай менен жолугушту.

Тараптар эки өлкө мамилелерин жакшыртууда Жалал-Абад облусунда аткарылуучу иш-чараларды талкуулашты. Мындан сырткары алдыда тармактардагы инвестициялык байланышты бекемдөө аракеттери колго алынаары кошумчаланды.

Мухтар Карибай боордош элдердин мамилелеринде социалдык-экономикалык, маданий алакаларды жандантуу, эки өлкөдө тең казак-кыргыз тилдерин жайылтуу аракеттери көрүлүп жатканын билдирди.

Облус өкүлү Жалал-Абадда казак-кыргыз достугун, тыгыз кызматташтыгын жолго коюудагы көптөгөн мүмкүнчүлүктөр бар экенин айтып, сунуш-пикирлерин билдирди.