15 Бардыгы /

Кечээ, 17-сентябрь күнү Жалал-Абад шаарынын мэри Эрнисбек Ормоков жана шаардык кеңештин төрагасы Нуртилек Болотов, Өзбекстандын Ташкент шаарында өткөн жиу-житсу жана грепплинг боюнча Борбор Азия оюндарында ийгилик жараткан спортчуларды, машыктыруучуларды куттуктап, белектерди тапшырышты.

Жалал-Абад шаардык мэриясынын маалымат борбору билдиргендей,

шаар башчысы спортчуларды колдоо, аларга ыңгайлуу шарттарды түзүү жаатында алгылыктуу иштер жүрүп жаткандыгын белгилеп, спортчуларды терс жолдордон алыс болуп, спорт менен катар татыктуу билим алууга чакырды. Ошондой эле, алардын жараткан ийгилиги Жалал-Абад шаарынын гана эмес, жалпы кыргыз элинин сыймыгы экендигин кошумчалап, ийгиликтерди каалады.

Эске салсак, ушул жылдын 13-14-сентябрь күндөрү Өзбекстандын Ташкент шаарында Борбор Азия оюндары өтүп, анда спорттун жиу-житсу жана грепплинг түрлөрү боюнча 20дай спортчу байгелүү орундар менен кайткан.