45 Бардыгы /

Бүгүн, 23-март күнү Б.Алыкулов атындагы кыргыз драма театрында дене тарбия жана спорт кызматкерлеринин кесиптик майрамы белгиленди.

Ага Манас шаарынын мэри Абдупата Маткаликов, шаардык кеңештин депутаты Каныбек Маманов, шаардык дене тарбия жана спорт бөлүмүнүн башчысы Таласбек Нуралиев, машыктыруучулар жана спортчулар катышты.

Иш-чарада Каныбек Маманов спортчуларды жана машыктыруучуларды кесиптик майрамы менен куттуктап,спорт- бул күчтүн гана эмес, эрктин, тартиптин жана мекенге болгон сүйүүнүн символу экениндигин белгиледи.

2025-жылдын жыйынтыгы менен Манас шаарынын 30 спортчусу жана 20 трейнери сыйланды. Алардын арасынан Азия чемпионатына 50, дүйнөлүк чемпионатка 5 спортчу катышкан.

Азиялык жана Дүйнөлүк чемпиондор жалпы 37 байгелүү орунга ээ болуп, 5 алтын, 10 күмүш, 22 коло медаль тагынышты.

2025-жылы ийгилик жараткан спортчуларды жана алардын машыктыруучуларын сыйлоо үчүн шаар бюджетинен 4 млн. 44миң сом акча каражаты бөлүнгөн.

Белгилей кетсек, Кыргызстанда 6-апрелде дене тарбия жана спорт кызматкерлеринин кесиптик майрамы белгиленип келет.