8,016 Бардыгы /

Жалал-Абад областтык ооруканананын жугуштуу оорулар бөлүмүнүн башчысы Гүлнара Жээналиеванын маалыматына ылайык, бүгүнкү күндө жугуштуу оорулар бөлүмүнө сарык оорусу (Вирустук гепатит) жана ич өткөк оорулары менен түрдүү курактагы жарандар кайрылып жатышат.
Жугуштуу оорулар бөлүмүндө 50 бейтап бар болсо анын он тогузу вирустук гепатит сарык оорусу менен ооруп келгендер калган жыйырма алты жаран ич өткөк оорулары менен жатат. Учурда сарык оорусу менен ич өткөк оорусу дале токтой электигин маалымдады.
Мындай сейрек кездешүүчү ботулизм оорусунун келип чыгуу себептери, күз мезгили келип кышка жакындап калган кезде мисалы: Бадыраң, помидор сыяктуу жемиштерди банкага туздоододогу технологияларды жакшы колдонбой же туура эмес жасалган консервацияны жеп алгандын айынан ушундай коркунучтуу ботулизм оорусу келип чыгууда деп түшүндүрдү Жалал-Абад областтык биргелешкен оорукананын жугуштуу оорулар бөлүмүнүн башчысы Г. Жээналиева
– Ошондой эле ботулизм оорусу менен жугуштуу оорулар бөлүмүнө бүгүнкү күндө эки бейтап келип түшөн. Алардын бирөөсү ооруканага келгенде аябай оор абалда келген, экинчи бейтап бүгүн келип түштү анын абалы канааттандыраарлык десем болот. Бул ботулизм оорусу менен негизинен кышка жакын бирден экиден гана ооруканага бейтап келчү. А булар кыш болбой жатып келип жатышат. Мына азыр дагы бир бейтап келди аталган оору менен ооруп. Ноокен районуна караштуу Масы айылынын Богот участкасынын тургуну.Алардын айтымында июль айында даярдалган туздалган бадыраңды курман айт күнү тамака кошуп жеп 3 бала ушул ооруга кабылган. Алардан башка дагы 5 киши ошол бадыраңдан жешкен. Ботулизм оорусу 10 күн ичинде билинет. Мен аларга түшүндүрүп калган беш кишини да ооруканага келип көрүнүп кетүүлөрү керектигин айттым.Анткени азыр билинбегени менен алар да ушул ооруга 10 күн ичинде кабылып калуусу мүмкүн. Ошондуктан үй шартында даярдалган консервацияны жебей эле койгон дурус, – дейт Г.Жээналиева

Дилбар МИРЗАХАКИМОВА «Аймак»