1,146 Бардыгы /

Жалал-Абад. Ала-Бука райондук ички иштер бөлүмүнүн милициянын көчмө кабылдама унаасында кызматкерлер чек арага жакын жайгашкан 1-Май айыл аймагын кыдырышты. Бул тууралуу Жалал-Абад ОИИБдин басма сөз кызматы билдирди

Мында милиция кызматкерлери жергиликтүү тургундар менен жолугушуп, юридикалык кеңештер берилди жана элдин сунуштары кабыл алынды. Айыл жашоочуларына жаш балдарды түнкү убакытта себепсиз көчөгө чыгарбоо зарылдыгы айтылды. Ошондой эле малдарын көзөмөлсүз калтырбоо жана мал уурулуктарынан сак болуу керектиги эскертилди.

Мындан сырткары мектеп окуучулары менен жолугушуулар өткөрүлүп, түшүндүрүү иштери жүргүзүлдү.

Белгилей кетсек Ала-Бука РИИБдин милициянын көчмө кабылдама унаасы 2022-жылдын 8 айында 61 жолу аймактарды кыдырууга чыккан. Анда 69 ар түрдүү мазмундагы кайрылуулар кабыл алынып, 4 факты кылмыштардын бирдиктүү реестрине катталган.