1,152 Бардыгы /

Августтун башында Душанбенин Экономикалык соту “Тажпромбанкты” банкрот деп жарыялоо жөнүндө чечим чыгарган. Бул тууралуу  Тажикстандын Жогорку Экономикалык сотунун төрагасы Рустам Мирзозода  билдирди.

“Тажпромбанктын” жоюлушу тууралуу кабар кредиттик мекеменин кардарларын катуу тынчсыздандырып, алар аманаттарын кайтара албай калабыз деп чочулашууда.

“Менин банк эсебимде 260 миң сомони бар болчу. Кудуретсиздик жараяны башталгандан кийин мага жаңы имараттан батир беришти. Банкта калган 30 миң сомонинин 22 миңи мага кайтарыла элек. Азыр банк расмий түрдө банкрот деп жарыяланды деп жатышат. Эмне кыларыбызды билбей калдык”, – дейт Душанбе шаарынын тургуну Гулрафтор Назарова.

Ал ортодо “Тажпромбанкты” банкрот деп таануу боюнча чечимге кол койгон Душанбе шаарынын Экономикалык сотунун судьясы Зульфия Саидзода 2017-жылдан бери 5 миң 726 адам аманаттарын толугу менен алып, жалпы сумма 148 миллион 138 миң сомониге жеткенин билдирди.

“Ооба, акчасын ала албай калган аманатчылар бар. Бул аманатчылардын мүлктөрү менен активдерди талаштуу болгондуктан сот чечим чыгаруудан карманган. Мындан тышкары банктын аманатчыларга накталай акча берүү мүмкүнчүлүгү болгон эмес”, – деп кошумчалады Зульфия Саидзода.

2016-жылдагы банк кризисинен улам Тажикстандагы көптөгөн кредиттик мекемелер аманатчылардын акчасын кайтарууда кыйынчылыктарга тушуккан. Алардын арасында “Тажпромбанк”, “Фононбанк”, “Тажиксодиротбанк” жана “Агроинвестбанк” болгон. Буга чейин бир гана “Фононбанк” расмий түрдө банкрот деп табылган.

WWW.