Аймак

ОШТОГУ БАССЕЙНДЕ ЭС АЛУУЧУНУ БЫЧАКТООГО ШЕКТЕЛГЕН КИШИ КАРМАЛДЫ

ОШТОГУ БАССЕЙНДЕ ЭС АЛУУЧУНУ БЫЧАКТООГО ШЕКТЕЛГЕН КИШИ КАРМАЛДЫ

 435 Бардыгы /

          ОШ. Ош шаардык милициясы калаадагы бассейндердин биринде эс алып жүргөн 22 жаштагы жаранга бычак сайып, андан ары качып кеткен шектүү киши акыры кармалгандыгын билдирди. Милиция айыпталуучу мурда дагы бир нече жолу соттолгон, кылмыш чөйрөсүнүн идеяларын тыкыр колдогон жаран экендигин айтууда.

Ош шаардык ИИБсынын маалыматына караганда, ушул жылдын 22-июлунда, болжол менен саат 21.30 чамасында шаардагы бассейндердин биринде эс алып жүргөн 21 жаштагы жаран денесинен жарат алып ооруканага түшкөн. Ал көрсөтмөсүндө бассейнде эс алып жүрүп, белгисиз бирөө менен уруша кеткендигин, ошондо тигил бычак менен бел тушуна сайып, качып кеткендигин айткан. Ошентип, Ош шаарынын аймагында жашынып жүргөн жеринен Кара-Суу районунда 1995-жылы туулган Н. М. кармалды. Ал мурда бир нече жолу соттолгон, кылмыш чөйрөсүнүн идеяларын колдогон жаран экендиги жана кылмыш чөйрөсүндө «Коен» деген каймана ат менен белгилүү экендиги акыры аныкталды. Баса, быйыл 13-январда Ош шаарында белгисиз бирөөлөр бир кишини арматура менен койгулап жаткандыгы тартылган видео коомчулукта катуу талкуу жараткан эле. Үрөй учурган бул окуяда бир адам өлүп, дагы бир киши катуу жабыркаганы маалымдалган. Кармалган шектүү ошол арматура менен сабалган жигит экендиги айтылып жатат.

ИИМдин расмий маалыматына таянсак, азыркы кезде Кыргызстанда 1200дөй адам уюшкан кылмыштуу топтун мүчөсү катары милициянын такай каттоосунда турат. Алар – кримтөбөлдөр Камчы Көлбаев, Азиз Батукаев жана Алмаз Бокушевдин тобуна киргендер. Былтыр мындай топтордун 153 мүчөсү кармалган жана алардын 17синин криминалдык чөйрөдө өзгөчө макамы болгон.

Алишер ТОКСОНБАЕВ, өз кабарчы

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17