Аймак

ПУТИН МЕНЕН ЭРДОГАН ДАН КЕЛИШИМИ БОЮНЧА МУНАСА ТАБЫШКАН ЖОК

ПУТИН МЕНЕН ЭРДОГАН ДАН КЕЛИШИМИ БОЮНЧА МУНАСА ТАБЫШКАН ЖОК

 969 Бардыгы /

Орусия менен Түркиянын президенттери Владимир Путин менен Режеп Тайып Эрдоган 4-сентябрда Сочиде сүйлөшүү өткөрүштү. Жолугушуунун жыйынтыгында эч кандай документтерге кол коюлган жок.

Түркия менен Орусиянын мамлекет башчыларынын сүйлөшүүсү жалпысынан үч саатка созулду. Анын жыйынтыгында Путин менен Эрдоган биргелешкен маалымат жыйынын өткөрүштү.

Дан келишимин калыбына келтирүү боюнча мунаса табылган жок. Владимир Путин Батыш өлкөлөрү Орусияны Москваны келишимден чыгууга “мажбурлаганын” айтты.

Ал Москва орус агропродукциясын экспорттоого коюлган чектөөлөр алынгандан кийин “дан келишимин” жандандыруу мүмкүнчүлүгүн караштырууга даяр болорун кошумчалады.

Путин Орусия Түркия аркылуу эң жакыр өлкөлөргө 1 миллион тоннага чейин данды жеңилдетилген баада жеткирүүгө даяр экенин айтты.

Ал эми Эрдоган Путин менен сүйлөшүүдөн кийин “дан келишими” боюнча чечим жакын арада макулдашыларын билдирди.

Киев менен Москва Түркия жана БУУнун ортомчулугу алдында дан экспортун кайра жандантуу келишимине былтыр 22-июлда Стамбулда кол коюшкан. Келишимдин мөөнөтү улам узартылып келе жаткан. Андан бери Украинадан 30 миллион тонна буудай жана башка айыл чарба азыктары экспорттолду.

4-июлда Орусиянын Тышкы иштер министрлиги дан боюнча келишимди узартууга негиз көрбөй турганын, дүйнө базарына Орусиянын азык-түлүгүн жана жер семирткичин экспорттоо боюнча абал жакшырбаганын белгилеп, келишимден чыгып кеткен.

WWW.

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17