Аймак

ОШТО ИРИ СУММАДАГЫ АЛДАМЧЫЛЫККА ШЕКТҮҮ АЯЛ ЖАӉЫ ТӨРӨГӨН БАЛАСЫН ООРУКАНАГА ТАШТАП, ТҮРКИЯГА КАЧУУГА АРАКЕТ КЫЛЫП ЖАТКАНДА КАРМАЛДЫ

ОШТО ИРИ СУММАДАГЫ АЛДАМЧЫЛЫККА ШЕКТҮҮ АЯЛ ЖАӉЫ ТӨРӨГӨН БАЛАСЫН ООРУКАНАГА ТАШТАП, ТҮРКИЯГА КАЧУУГА АРАКЕТ КЫЛЫП ЖАТКАНДА КАРМАЛДЫ

 669 Бардыгы /

         ОШ. Ош шаарында ири суммадагы алдамчылыкка шектүү аял жаӊы төрөгөн баласын ооруканага атайылап таштап, андан ары Түркияга качууга аракет жасап жаткан жеринен кармалды. Бул туурасында Ош шаардык милициясынын басма сөз кызматынан билдиришти.

        Маалыматка караганда. кармалган 32 жаштагы аялдын үстүнөн милицияга төрт арыз түшүп, алар ири суммадагы акчасын алдаткандыгын билдиришкен. Ошентип, шектүүгө 538 миӊ, 40 миӊ, 50 миӊ жана 70 миӊ (жалпы суммасы 698 миӊ доллар) акча каражаттарын беришкен. Анткени, шектүү аларга ири партиядагы балдар кийимин жана иштеп жаткан тигүү цехин сата турган болуп алдаган. Анын бул кылмыштуу аракетинен улам Кыргыз Республикасынын Кылмыш Кодексинин алдамчылык беренеси (209-берене) менен кылмыш иши козголгон. Тергөөчү тарабынан бир нече ирет чакырылгандыгына карабастан, аял келбестен өзү жашап турган Өзгөн районунан Бишкек шаарына качып кеткен. Кыргызстандын башкалаасында баласын ооруканага медицина кызматкерлерине айтпастан таштап, чыгып, Бишкек-Стамбул багыты боюнча кылмыш жоопкерчилигинен качып бара жаткан маалда Ош шаардык ички иштер башкармалыгынын кызматкерлери тарабынан Бишкек аэропортунан кармалган жана Ош шаардык ички иштер башкармалыгына алынып келинди. Ал эми Бишкектеги оорукана жетекчилиги тарабынан өз баласын таштап кеткендиги боюнча акт түзүлд\.

         Ош шаардык соту тарабынан ушул жылдын 31-августунда айыпкердин кылмыш иши каралып, жабырлануучуларга келтирилген чыгымдын ири суммада экендигин жана шектүү качып кетиши мумкүндүгүн эске алып, шектүүну ушул жылдын 15-сентябрина дейре абакта кармоо боюнча чечим чыгарлды.

           Ушул тапта Ош шаардык ички иштер башкармалыгынын тергөө кызматынын маалыматына ылайык, аталган шектүү К.А.нын устүнөн Бишкек шаардык ички иштер башкы башкармалыгы тарабынан дагы ушул сыяктуу бир нече факт аныкталды. Бишкектик жабырлануучулардын чыгымы 300 миӊ доллардан көп…

       Бүгүнкү шектүү К.А.нын апасынын журналисттерге берген маалыматын ал кызын кылмыш жоопкерчилигинен куткарууга жасаган аракети деп сыпатталат. Ош шаардык ички иштер башкармалыгынын тергөө кызматы аталган аялдан жабырлануучулар болсо, Ош шаардык ички иштер башкармалыгынын тергөө кызматына кайрылууну суранат. Байланыш телефондору 03222-4-82-82.

Алишер ТОКСОНБАЕВ, өз кабарчы

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17