315 Бардыгы /

Ош шаарындагы Ахматбек Сүйүмбаев атындагы борбордук стадионуна түнкү жаңы жарыктандыруу системасы орнотулат. Бул туурасында Кыргыз футбол бирлигинен кабарлашты.

Маалыматка караганда, Инфратүзүмдүк жана стратегиялык долбоорлор бөлүмүнүн жетекчиси Алиет Мурсалиев менен КФБ Президентинин кеңешчиси Аманбек Каскеримов Ош шаарына жумуш менен сапарлашты. Бул жүрүштүн алкагында КФБ өкүлдөрү Ош шаарынын мэри-Бакытбек Жетигенов, вице-мэри-Нурбек Кадыров, муниципалиттетин башка өкүлдөрү жана «Алай» футболдук клубунун директору Калыбек Укулов менен дагы жолугушту.

Ошентип, аталган жолугушуунун жүрүшүндө Ош шаарынын Ахматбек Сүйүмбаев атындагы борбордук стадионунда жаңы жарыктандыруу системасын орнотуу боюнча маселеси абдан кеңири талкууланды. Мындан тышкары стадиондун жакынкы аймагында жайланышкан жер «Алай» футбол клубунун карамагына жаңы оюн талаасын куруу үчүн бөлүнгөндүгү дагы айтылды.

Алишер  ТОКСОНБАЕВ, өз кабарчы