Аймак

Артыкбай АБДИВАЛИЕВ: “КЫРГЫЗСТАН – АГРАРДЫК ӨЛКӨБҮЗ. ӨНҮКТҮРҮҮ МҮМКҮНЧҮЛҮГҮБҮЗ АБДАН ЖОГОРУ!”

Артыкбай АБДИВАЛИЕВ: “КЫРГЫЗСТАН – АГРАРДЫК ӨЛКӨБҮЗ. ӨНҮКТҮРҮҮ МҮМКҮНЧҮЛҮГҮБҮЗ АБДАН ЖОГОРУ!”

 183 Бардыгы /

Бир мандаттуу №5-Ноокат шайлоо округунан Кыргыз Республикасынын Жогорку Кеңешине депутат шайланды. Тилекке каршы, аталган саясий күрөштө ыплас технологиялар – администартивдик ресурстар жана дагы добуштарды ачыктан ачык сатып алуулар адаттагыдай эле пайдаланылды. Муну кабарчыбызга курган маегинде аталган чөлкөмдөн Жогорку Кеңеш депутаттагына талапкер, мыкты өнүктүрүүчү дасыккан ишкер Артыкбай АБДИВАЛИЕВ дагы ырастады.

-Артыкбай мырза, Сиз деги кандай максат менен Жогорку Кеңеш депутаттыгына аттандыңыз эле?

-Менин эң башкы максатым: Мекениме ак кызмат өтөө эле. 

Биринчиден, туура нуккка бурулуп, таза коом куруу. Экинчиден, ар тармакка кесипкъй аткаминерлердин жана адистердин гана ишке орношуна өбөлгө жаратуу. үчүнчүдөн,  коррупцияны биротоло жок кылуу жана өлкөбүзгө стабилдүүлүктү бекем жана туруктуу орнотуп, ага улай туризмди дагы ырааттуу өнүктүрүү. Бешинчиден, Ата Мекекендик өндүрүштү ыкчам жайылтуу.  Чакан жана орто бизнести ого бетер өркүндөтүү. Алтынчыдан, Ата Мекендик продукцияларды экспорттоо аркылуу дыйкандардын жана фермерлердин кирешесин арбытуу. Жетинчиден, заман талабына жараша дыйкан жана фермердик чарбаларды негиздөө.

– Эми ушундай асыл ой-максаттарыбыз таптакыр жүзөгө ашпай калабы?

– Жо-жок! Айрым программаларымды мен парламентке барбастан туруп деле сөзсүз түрдө аткарам. Буга чама-чаркым жана дагы кудуретим деле жетет. Эң өкүнүчтүүсү ал эми негизгилери дагыле тилек бойдон калып атпайбы… 

– Сиздин баамыңызда, саясий күроштө орой мыйзам бузуулар, анан дагы талапкерлерге ачык бут тосуулар катталгандыр?

– №5-Ноокат шайлоо округунан Кыргыз Республикасынын Жогорку Кеңешинин депутаттагына  катталган тогуз талапкердин сегизи тең шайлоочулар менен жолугушууда кадимкидей эле чогуу жүрдүк. Калкыбыздын көйгөйлөрүн жеринде биргеликте гана тыңдадык. Бирок, булардын бирөөсүнө дагы “Шайлоодо утту” делген Бактыбек Марипов катышкан жок!

Ноокат районунун бүтүндөй административдик ресурстарынын баары тең  Бактыбек Мариповдун пайдасына гана жан үрөп иштешти. Анткени, бул жигит биркезде аталган райондогу эң чоң Кыргыз-Ата айыл өкмөтүн башкарган. Андан соң Ноокат районун дагы жетектеген. Бир тууган акеси Улукбек Марипов убагында премьер-министрлик кызматты аркалаган. Ал эми атасы Асамидин Марипов райондук оорукананы көп жылдар бою жетектеген…

– Анда Сиздер деле, калган сегиз талапкер өз ара биригип жалгыз атаандашыңыздардын – Бактыбек Мариповдун үстүнөн тийешелүү органдарга даттанбай белеңиздер?

– Ыя, айланайын! Биз деле жөн жаткан жокпуз. Өз убагында 

БШКга, Башкы прокурорго,  УКМКнын төрагасына жана Ички иштер министрине чыркырап кайрылдык. Бирок, буга адекваттуу – ыкчам реакция болгон жок! Тигилер бүт унчукпастан гана кутулушпадыбы….

– Сиздерди – Бактыбек Мариповдун атаандаштарын каралоо өнөктүгүнөн журналисттер деле куру калышпаса керек?

– Туптуура баамдапсыз. Биз – Бактыбек Мариповдун атаандаштары кыска аралыкта Вотсаптын, Инстрагамдын жана Интернет булактарынын башкы жана эң терс каармандарына гана айландык… Маселен, жарандык активист Асель Набиева акчага сатылган экен, бизди тим эле заматта Кыргызстандын, анын ичинде Ноокат жергесинин душмандарына айлантып таштады…

– Артыкбай мырза, эми мындан аркы кадамдарыёыз кандай болот?

-Ошентип, 320 миң калкы бар Ноокат району, канетсе дагы, өз тандоосун жасады. Миң даттансак деле, чыркырап коңгуроо каксак деле, албетте, иргөө тартиби өзгөрбөйт!

– Демек, Ноокатта МАРИПОВДОРДУН КЛАНДЫК СИСТЕМАСЫ бекем орношуптур. Менин ишененим –  эң акыркы үмүтүм: бул өлкөбүз үчүн коркунучтуу системаны президентибиз Садыр Жапаров жана анын командасы гана кыйратканга кудуреттүү! Ылайым биз ошол күндү чогуу көрөлү!

МАЕКТЕШ ЖӨНҮНДӨ МААЛЫМАТ

Маектешибиз Артыкбай АБДИВАЛИЕВ 1969-жылы 21-майда Ош облусунун Ноокат районундагы Кыргыз-Ата кыштагында туулган. Үй-бүлөлүү, жети баланын атасы.  Кыргыз мамлекеттик дене тарбия жана спорт институтун, Жусуп Баласагын атындагы Кыргыз улуттук  университетинин юриспруденция факультетин аяктаган. Дасыккан өндүрүшчү мыкты ишкер. Альпинизм менен дагы машыгат.  2023-жылы Дүйнөдөгү атактуу Эверест жана Арарат тоолорунун эң бийик чокуларын багындырган. 

Кепке тарткан: Алишер ТОКСОНБАЕВ, өз кабарчы

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17