129 Бардыгы /

Баткенде аймактык жетекчилердин биргелешкен аракети аркасында 90 жаштагы энеге үй курулуп, пайдаланууга тапшырылды.

Анткени, 90 жаштагы Ташбүбү Абилова, 54 жаштагы ден соолугунан мүмкүнчүлүгү чектелген кызы менен туруктуу жашаган жайы жок айылдагы бош үйлөрдө баш калкалап келген эле.Баса, жалгыз бой эненин жашоо-шарты туурасындагы маалыматтар социалдык тармактарга жарыяланып, жергиликтүү бийликке дагы маалым эле.

Эне баланын тагдыры жөнүндө кабары бар Президенттин Баткен облусундагы ыйгарымп укуктуу өкүлү Абдыкарим Алимбаев мындан эки ай мурда аларга турак жай курууну өзү колго алган.

Адегенде облус башчысынын тапшырмасына ылайык, апанын кызы Тажигүл Абиловага Баткен районунун Алты-Адыр айылынан турак жай салуу максатында 10 сотых жер тилкеси ажыратылып берилген.Облус башчысы Абдыкарим Алимбаевдин үй куруу демилгесин Баткен облустук мекеме-ишканаларынын жетекчилери дагы колдоп-кубатташып, ар бири ыктыярдуу салым кошкон. Натыйжада эки ай аралыгында үч бөлмөлүү заманбап, ошондой эле бардык шарты бар үй курулуп бүттү. Президенттин Баткен облусундагы ыйгарым укуктуу өкүлүнүн аппаратынын кызматкерлери, үйдү турмуш-тиричиликке керектүү буюм-тейимдер менен толукташты.

Ошентип, толук кандуу бүткөрүлгөн турак жайды ээлерине Баткен облусунун башчысы Абдикарим Алимбаев салтанаттуу түрдө тапшырды. Бул азамге жергиликтүү жетекчилер, мамлекеттик кызматкерлер жана дагы айыл тургундары катышыты. Облус башчысы Ташбүбү апага үйдүн ачкычын тапшырып, ак өргөсү менен куттуктап, узак жана бакубат жашоо гана тиледи. А Ташбүбү эне турак үйдү курууга салым кошкон жарандарга тереё ыраазычылыгын билдирип,чексиз бактылуу экендигин жашырган жок! Ал эми айыл аксакалдары жетекчилердин биргелешкен аракетин жогору баалашып, ак баталарын ыроолошту.

Алишер ТОКСОНБАЕВ өз кабарчы