18 Бардыгы /

Эгемендүүлүк майрамынын астанасында Ош шаарынын мэриясы көп балалуу энелерге «Баатыр эне» орденин жана «Эне даңкы» медалдарын тапшырды.

Адегенде Ош шаарынын вице-мэри Нурбек Кадыров баатыр жана көп балалуу энелердин коомубуздун ырааттуу өнүгүшүнө жана келечек муундун мыкты калыптанышына өзгөчө салым кошкондугун баса белгилеп, ошондой эле татыган жогорку сыйлыктары менен куттуктады.

Ошентип, Кыргыз Республикасынын Президентинин Жарлыгына ылайык, «Баатыр эне» ордени менен 15, «Эне даңкы» медалы менен 11 оштук эне сыйланышты. Ал эми Ош шаарынын мэриясы тарабынан булардын ар бирине акчалай сыйлыктар дагы тапшырылды.

МААЛЫМАТ ИРЕТИНДЕ:

«Баатыр эне» наамы жети жана андан көп бала төрөгөн, балдарга бардык жактан татыктуу тарбия берген энелерге ыйгарылат. Ал эми «Эне даңкы» медалы менен алты бала төрөгөн жана аларды татыктуу тарбиялаган Кыргыз Республикасынын жарандары, ошондой эле жетим балдар жана ден соолугунун мүмкүнчүлүктөрү чектелүү балдар үчүн окуу-тарбиялоо мекемелеринде 15 жылдан ашык кынтыксыз иштеген аялдар гана сыйланышат.

Наамды тиешелүү Жобого ылайык алуу үчүн жаран катталган дареги боюнча жергиликтүү өз алдынча башкаруу органдарына кайрылса болот.

Алишер ТОКСОНБАЕВ өз кабарчы