9 Бардыгы /

Транспорт жана коммуникациялар министрлиги тоолуу аймактар жана ашуулар аркылуу жол тарта турган айдоочуларды унаа дөңгөлөктөрүн жайкыдан кышкыга алмаштырып алууну кабарлады. Бул тууралуу маалыматты Транспорт жана коммуникациялар министрлигинин маалымат кызматы билдирди.

Министрлик анын себебин өлкөдө аба ырайынын өзгөрүшү менен буга чейин жер-жерлерде жаан, ал эми Төө-Ашуу, Ала-Бел, Өтмөк, Долон сыңдуу ашууларда кыламык кар жааган учурлар байкалганы менен салыштырып билдирүү таратты.

ЭСИҢИЗДЕ БОЛСУН!

Тоолуу аймактар жана ашуулар аркылуу жол тарта турган болсоңуз, унаа дөңгөлөктөрүн жайкыдан кышкыга алмаштырууну унутпаңыз!

Алыс жолго сапар алган учурда жаныңызга музга туруштук бере турчу атайын чынжырча ала жүрүңүз.

Ашуу аралап баратып, кокус авариялык абалга кептелсеңиз, унаа токтотууга коюлган ташты дароо жол боюнан алып коюңуз. Анткени, ал жол кырсыгы коркунучун гана туудурбастан, жасалма транспорт тыгынын да жаратат.

Кандай кырдаал жаралбасын каршы тилкеге чыкпаңыз! Сиз эрежени гана бузбастан, жол тазалаган унаалардын кыймылына катуу тоскоолдук жаратарыңызды унутпаңыз!

Эсиңизде болсун! Автоунаалар ортосундагы 500 метр аралыкты так сактоо -кырсыкты алдын алып, жол коопсуздугун камсыздайт.