9 Бардыгы /

Бүгүн, 26-декабрда Жалал-Абад ЭТИнин директору С.Усенов Нурлан Абдиев балбанды эмгек жааматынын атынан куттуктап, сыйлык тапшырды.

Жалал-Абад ЭТИнин маалымат кызматы билдиргендей, “Кыргызстан” УЭТинин филиалы Жалал-Абад электр тармактар ишканасынын Жалал-Абад электр энергиясын сатуу ишканасынын инженери Нурлан Абдиев үстүбүздөгү жылдын 21-22- декабрында Бишкек шаарында өткөн Кыргызстан эркин күрөш чемпионатында 1- орунду багындырган.

Директор өз сөзүндө Нурлан Абдиевдин спорт жаатындагы ийгиликтерине токтолуп, анын кызматкерлерге үлгү болуп, кызыгуусун арттырып жаткандыгын белгиледи. Бул дагы ишкана үчүн сыймык деп кошумчалайт. Абдиевге мындан кийинки таймаштарда дагы биринчиликти каалады.

Белгилей кетсек, чемпионатка Россия федерациясынан, Казакстан, Каракалпакстан, Өзбекстандан жана Кыргызстандын 7 облусунан балбандар катышты. Күрөшчүлөр өз күчүн килемде сынашты. Жыйынтыгында Нурлан Абдиев 1- орунду багындырган.

Нурлан Абдиев эркин күрөш жана грек рим күрөшү боюнча 7 жолку чемпион. Ал спорт жаатына 10 жашынан аралашкан. Үзүрлүү, талыкпаган эмгектин артынан бир топ ийгиликтерди жарата алган. Алдыда балбандын тилеги дүйнөлүк эркин күрөш боюнча чемпионаттан байгелүү орунга жетишүү.

Ал бир гана спорт менен алектенбей Жалал-Абад электр тармактар ишканасында мыкты адис.