21 Бардыгы /

Акыркы учурларда коомдук транспорттордун айдоочулары жүргүнчүлөрдү алууда же түшүрүүдө белгиленген жерлерде токтобой, аялдамаларга жетпей токтоп, жол кыймылынын башка катышуучуларына тоскоолдуктарды жаратып, жол тыгындарын пайда кылган учурлары көп кездешүүдө.
ЖКККББнын басма сөз кызматы билдиргендей, айдоочулар унаа башкаруу учурунда тамеки тартып, же уюлдук телефонго алаксып, ичиндеги  жүргүнчүлөрдүн өмүрүнө тоскоолдук жараткан учурлары кездешүүдө.
Мына ушундай көрүнүштөрдүн алдын алуу максатында  өлкө аймагында “Коомдук транспорт” аталышындагы рейддик иш-чара уланып,  жүргүнчүлөрдү ташыган автобустардын жана жеке таксилердин ишмердүүлүгү күчөтүлүүдө.
Айрыкча коомдук транспорттордун техникалык абалына көңүл бурулуп, жүргүнчүлөрдү туура эмес жерлерден алган жана түшүргөн, ошондой эле аялдамаларда экинчи-үчүнчү катарга туура эмес токтотуп,  башка айдоочуларга тоскоолдук жараткандарга 1000 сомдон 3000 сомго чейин айып пулдар салынууда.