1,328 Бардыгы /

 Баткен. Кыргыз Ѳкмѳтүнүн Баткен облусундагы ыйгарым укуктуу ѳкүлү Абиш Халмурзаев Кадамжай районундагы Масалиев жана Марказ айыл ѳкмѳттѳрүнүн эли менен жолугуп, алардын муң-зарын бекем  тыңдады. 

Адегенде Ѳкмѳттүн ѳкүлү ѳткѳн жылдын алкагында жасалган иштер жѳнүндѳ кең-кесири баян этти. Буга улай 2019-жылдын 1-январынантартып толук кандууишкекирген“Укук бузуулардын бирдиктүү реестри”жана“Кылмыштардын жана жооруктадын бирдиктүү реестри”жѳнүндѳгү мыйзамдар туурасында тиешелүү жетекчилер элге кенен-чонон маалымат беришти.

Андан сон жарыш сѳзгѳ чыккандар жаңы мыйзамдардын ишке кириши учур талабы экендиги жана ѳтѳ кайгылуу аяктаган жол кырсыктарын жоюуда жакшы натыйжа берээри туурасында ѳз ой-пикирлерин ачык айтышты.Ал эми бул мыйзамдарды аткаруучу органдар электрондук негизде иштѳѳ менен жемкорлук жоруктарга бѳгѳт коюлаарына бекем ишенп турушкандыгын дагы жашырышкан жок.  

Андан соң Кыргыз Ѳкмѳтүнүн Баткен облусундагы ыйгарым укуктуу ѳкүлү Абиш Халмурзаев арбир үй-бүлѳнү жигердүү жана татыктуу жашоого аракеттенүүгѳ үндѳдү. Ошондой эле элеттиктерди аймактын туруктуу ѳнүгүүсүнѳ салмактуу салымкошууга дагы үндѳдү. Баткенде ѳндүрүлгѳн  айыл чарба продукцияларын кайра иштетүүгѳ кызыкдар тараптарга Кыргыз Ѳкмѳтү тарабынан берилип жаткан жеңилдетилген насыялар жана кошуна мамлекеттер менен туруктуу алака, жеке ишкерлерди такай колдоо ѳңдѳнгѳн кѳйгѳйлѳрдү дагы кыя ѳткѳн жок. Ѳз сѳзүндѳ аймак башчысы Баткен жергесинде ишкердикти баштоого жана ѳнүктүрүүгѳ бардык мүмкүнчүлүктѳр жаратылгандыгын дагы кошумчалады.

Жолугушуунун жүрүшүндѳ жол, сугат суу, таза суу, мектеп, бала бакча, пенсия, пособие ѳңдѳнгѳн бир катар суроолор дагы байма-бай кѳтѳрүлүп, буларга тиешелүү жетекчилер дароо эле ынандыраарлык жоопторду кайтарышты. Айрым кѳйгѳйлѳрдү жеринде эле чечүүгѳ шарт жаратылды. Баса, Кадамжай районунун Масалиев айыл ѳкмѳтүндѳ 13 миң 622, ал эми Марказ айыл аймагында 14 миң 556 калк жашайт.   

Алшер ТОКСОНБАЕВ, өз кабарчы