27,185 Бардыгы /

«Келечек жаштардын колунда» демекчи, мектепке окуучу болуп келгенден тартып, жакшы билим берип, келечекке жана бир кесиптин ээси болушуна кадам таштатып үндөгөн бул,- мектеп. 2019-жылды президент Сооронбай Жээнбеков «Айыл аймактарды өнүктүрүү жана мектептерди санаритештирүү» жылы деп жарыялаган. Азыркы учурда техника өнүгүп, заман өзгөргөн. Ошондуктан мектептептерге технологияларды киргизип, окуучуларды интерактивдүү доскаларда окутуу, интернет сабактарды өтүү милдети келип чыгат.

Биздин маек Жалал-Абад облусунун Аксы районундагы Кербен шаарынын Т.Умөталиев атындагы орто мектебинин директору Исак Жолчиев агай менен болучу. Анда эмесе сөз башынан болсун.

–Мектепке жаңы технологияларды киргизүү кандай болуп жатат?

-2018-2019- окуу жылына Билим берүү жана илим министрлиги биздин мектепке 20 компьютер бөлгөн. Ал «билим булагы жана ай билим» деген сайтта кирген. Билим булагы деген 5-класстан 11-класска чейинки сабактардын пландары жазылган. Ал эми ай билим дегени болсо, «1»ден «4»кө чейинки класстарга өтүлүүчү сабактар бар. Андан сырткары дагы октябрь айында министерстводон 4 ноутбук 4 проектор берилди. Ошону менен да мугалимдер сабакта пайдаланып жатышат.

–Окуучулар интернет аркалуу материалдарды пайдалануу менен сабак окуй алабы?

– Бизде атайын интернет булагы 2 жыл мурун коюлган. Мына ушул 20 компьютерден тышкары 5 компьютерибиз интернетке уланган. Ощолор аркылуу каалаган сабагынан маалымат алышат.

–Бул багытта кандай жетишкендиктер бар?

-Бул багытта окуучулар интернет аркылуу сабакка байланыштуу терээң маалымат алыша алат. Өздөрүнө тиешелүү сабактарга даярданып, олимпиядаларга барышат. Республикалык тесттерге жана ошондой эле ОРТларга даярданып жатышат.

-Интерактивдүү доскалар менен сабак өтүүгө мектеп качан өтөт?

-Интерактивдүү доскалар менен сабак өтүүгө биз былтыр проектке киргенбиз. Бирок ал жактан келишим бир аз кечигип жатат. Ошентсе да быйыл буйруса өтөт. Мектептен 4 класска кирет. Ал бардыгы бир партасы, отургучу, шкафы жана доскасы менен кирет. Келип калса, биз да интерактивдүү доска менен сабак өтүп калабыз.

-Сабакка байланыштуу интернет оюндарынын коңкурсу өтөбү?

-Өтүлөт албетте. Менин билишим боюнча акыл- ордо сыяктуу, тарых сабагынан жана математика сабагынан ушул логикалык ой жүгүртүү боюнча коңкурс өткөрүлгөн. Ошол сыяктуу эле мугалимдер дагы уюштурабыз дешип жатышат.

–Окуучулардын ойлоп табуучулук аракеттери барбы?

-Окуучулардын ойлоп табуучулук аракеттери эми күчөп жатат. Анткени « Моментальный орхиметика» деген окуу келген. Бул оңой интернеттен таап алуу эмес, өздөрүнүн логикалык ой жүгүртүүсү боюнча ачылган. Биз бул окууга боюнча окуучуларды тактап алганбыз. 1-февралдан баштап айына 1500 сомдон төгүп, жумасына 2 жолу окушат. Бул окууну жакшы өздөштүрүп, ойлоп табуучулук аракеттери күчөп, көп ийгиликке жетишет деп ишенем.

–Мектептеги видеокөзөмөл кандай натыйжаларды берүүдө?

-Мектептеги видео көзөмөлдөрдүн негизги натыйжасы, окуучулардын сабактан кечигүүсүн, сабак өтүлүп жаткан учурда бейчеки басып жүргөндөрдү, мугалимдер сабак өтүп жатабы? Мына ушуларды көрүп, тартипке салууга мүмкүнчүлүк түздү. Натыйжасы көрүп тургандай эле жакшы жүрүп жатат.

Адиса Сүйгүнбаева

Кербен шаары